قبل ما تسالي هاد المرحلة بغيت نقولكم

كيفما كانت النتيجة، بغيتكم تكونو عارفين بلي النقطة ما كتحددش قيمة الإنسان. اللي نجح نفرحو معاه من القلب، واللي جاه راطراباج ما يحطمش راسو، حيث راها ماشي نهاية العالم وماشي نهاية الحلم، غير محطة صغيرة و غادي دوز 🙏🏻
‎بغيت نقول ليكم من قلبي بلي راكم ما كنتوش بالنسبة ليا غير تلاميذ : كل واحد فيكم خلا أثر زوين، وكل واحد عندو بلاصتو . دوزنا عام فيه بزاف ديال الحوايج، فرحت بيكم، وتقلقت عليكم، وغوت شحال من مرة، وضحكت معاكم كثر.
‎وإذا شي نهار قصحت مع شي حد او لا غوت عليه، كنطلب منو السماحة. راه والله ما كان القصد إلا الخير، حيث كنت كنشوف فيكم غي الحاجة الزوينة❤️

هاد العام فمؤسسة الإخلاص كان بالنسبة لي ماشي غي خدمة… كان تجربة عمرها ما غادي تتعاود بنفس الإحساس لقيت عائلة ثانية  : مريم بحال ماما وختي الكبيرة و وصال بحال ختي لي كنا نحن الثلاثة لي تقالت على وحدة كتخفاف على الأخرى, حيت ما كانش الهدف غير خدمة ولا واجب، كان إحساس بالمسؤولية ديالنا، وكل واحد فينا كان كيدير اللي يقدر عليه باش توصلو لأحسن نتيجة وبأقل ضغط ممكن.

‎الله يفرحكم كاملين، ويفرح واليديكم، ويكتب ليكم الخير فين ما كان حيث ‎راكم ناس زوينين قبل ما تكونو تلاميذ ‎غادي نتوحشكم كاملين، حيت ما كنتوش غير تلاميذ بالنسبة لينا، كنتو جزء من الحياة اليومية ديال المؤسسة. وكنتمنا ليكم من قلبي التوفيق فالنتائج وفكل خطوة جاية فحياتكم.
❤️‎كنبغيكم كاملين

شيماء❤️